الفرق بين سواقة الشباب والبنات

الفرق بين سواقة الشباب والبنات



المشاوير:
الشباب الى: الدوام + البيت + الميالس+ مقاهي .
البنات الى: الصالون + الشغل + السوق + عرس طبعا + البحر ..



الاغراض المتواجده دائما في السياره :
في سيارة الشباب :مايك + كلينكس مرمي + اشرطه + سيجارا + ولاعه ..
في سياره البنات: مناديل كلها روج + علك مستكة+كعب مكسور+ قفاز+ بخور .



في جيب الكرسي :
سيارة الشباب: بطاقات شحن +. عطر + ولاعه + ورقة مخالفه + مشط + سكاريب.
سيارة البنات : روج+ كحل + حلاوه نعناع + مثبت شعر+ + العاب ودببه+ شباصات.




السوالف في السياره:
الشباب :شو سويت اليوم ؟ شفتوا مباراة برشلونه ؟ الدكتور اليوم ماحضر؟ بغيت اليوم اضرب هندي؟
البنات :يووو ماشفتي فلااانه ترى سقطت ياحسسسسسره ؟ شفت فلانه لابسه ساعه ماركه يوو وكله حش في حش



عند التقاطع :
الشباب :ما يطالع يمين ويسار الا نادر.
البنات :تطالع يمين ويسار 20 مره + الهرنات في اللفات العاديه.



اثناء السواقة :
الشباب :مباعد الكرسي الى الاخير كأنه منسدح وهو يسوق .
البنات :لازقه الكرسي الى السكان حده كأنها سواق لموزين.



اثناء الانتظار عند اشارة المرور:
الشباب :يلعب بخشمه ويحك حاله حال اول مايقوم من النوم.
البنات :تعدل شعرها او شيلتهاا +تتمكيج.



وضع الجسم اثناء السواقة:
الشباب :متكي يد ويسوق بيد ويدوس برجل والثانيه رافعها الى مستوى المكيف او شوي ويطلعها من الدريشه.
البنات :حاضنه الستيرنغ ( السكان ) بشكل كأنه طوق نجاة.



اثناء السواقة ويبا يسلم على واحد :
الشباب :يضرب هرن خفيف او غمزه.
البنات :تعلق عالهرن , وتقول: فطووم حبيبتي شو اخبارش.



- اثناء كتابه المخالفه :
الشباب :قسم بالله ما قاطع الاشارة والله والله العظيم لاه خخخخخخخخخخ
البنات :بلييز الله يخليك لأهلك لا تعطيني مخالفه بليز بليز,,



اثناء الحادث :
الشباب :شو فيك ماتشوف زين ؟
البنات :سوري بس شكلك ياحرام ماشفتني وانا عاطتنك اشاره.



اثناء التفتيش:
العسكري لشباب :الرخصه والملكية ووقف على جنب و شيل الرايبون..
العسكري للبنات :هلا والله توكلي دربك خضر ههههههه